Gardians de la tradicion, bastisseires d’avenir. Fondada per portar naut las colors dau Perigòrd e far lusir sa cultura occitana, Blau Perigòrd organiza la 106ena Felibrejada, a Brantòsme dau 2 au 4 de julhet de 2027.
Credit fòto : Office de tourisme Périgord Dronne BelleNòstra mission
Blau Perigòrd amassa passionats, estatjants e actors dau país a l’entorn d’una tòca comuna : preservar, far valer e transmetre la richessa de nòstre patrimòni. La cultura occitana es pas per nos una relica dau passat, mas un art de viure plan viu.
Per la musica, la dansa, la lenga d’òc, l’artesanat e la gastronomia, nòstra associacion bastís de ponts entre las generacions e enfortís lo liam sociau au còr de nòstre territòri.
Au còr dau projècte
Pendent mai de dos ans, los membres de Blau Perigòrd orquèstran la preparacion de la pus granda fèsta populara dau Perigòrd. De la fabricacion a la man daus milierats de flors de papier que vestiràn la « Venècia dau Perigòrd » a la programacion culturala, en passant per la logistica e l’aculhença de desenas de milierats de visitaires, l’associacion es lo chap d’orquèstra de quela aventura collectiva.
Credit fòto : Office de tourisme Périgord Dronne BelleUna aventura umana e benevòla
Blau Perigòrd repausa d’en promier sus l’engatjament de sos benevòls e l’apuei de sos partenaris dau país. Organizada en mantas comissions de trabalh (decoracion, animacions, restauracion, comunicacion, seguretat), l’associacion ofrís a chascun l’escasença de s’investir a sa mesura.
Jonher Blau Perigòrd, quò es participar a una aventura umana chaurosa, contribuir a l’atractivitat de Brantòsme e far viure l’esperit de convivéncia que fai l’orgulh de nòstra region.
Enveja de far partida de l'aventura ?
Benevolat
Flors de papier, aculhença dau public, restauracion : balhatz-nos un còp de man abans o pendent l’eveniment.
Partenariat
Entrepresas e comerçants : associatz vòstre imatge a la pus granda fèsta occitana dau Perigòrd.
Questions frequentas
L’associacion Blau Perigòrd, amb Lo Bornat dau Perigòrd, l’escòla felibrenca qu’organizet la tota promiera Felibrejada en 1903.
Decoracion, animacions, restauracion, comunicacion e seguretat.
Inscrivètz-vos coma benevòl o escrivètz-nos per la pagina de contacte.
La preparacion d’una Felibrejada dura mai de dos ans.
