Sostenir la Felibrejada - Felibrejada 2027 a Brantòsme de Perigòrd

1. Venir benevòl

Participatz a l'aventura umana !

Qu’ajatz quauquas oras per mes o tres jorns complets pendent la fin de setmana de la Felibrejada, totas las volontats e totes los talents son benvenguts.

Dins quaus domenis s’investir ?

Decoracion & flors de papier : participatz aus talhiers de fabricacion per far a la man los quilomètres de guirlandas e los milierats de flors que vestiràn la vila.
Aculhença dau public & bilhetaria : orientatz los visitaires, tenètz las caissas a las pòrtas de la vila e distribuissètz los programas.
Restauracion & buvetas : jonhètz las equipas de preparacion e de servici dau grand banquet tradicional (taulada) o daus ponches de restauracion.
Logistica & montatge : ajudatz a installar las infrastructuras, las scènas, lo balisatge e la senhaletica abans e après la fèsta.
Animacion & cultura : participatz a l’encadrament daus grops folclorics, de las desfiladas e daus talhiers d’iniciacion.

Perqué nos jonher ?

Per viure de moments de convivéncia unics, partatjar de saber-far, rencontrar vòstres vesins e contribuir a una tradicion centenària.

Benevolat

S'inscriure coma benevòl

Laissatz-nos vòstras coordenadas e vòstras envejas : la comission daus benevòls vos tornarà contactar.

2. Venir mecèna o partenari

Fasètz valer vòstra entrepresa

Associatz l’imatge de vòstra entrepresa a un eveniment enrasigat dins son territòri, chaurós e seguit per de desenas de milierats de visitaires.

Perqué sostenir la Felibrejada 2027 ?

Enrasigament local fòrt : sostenètz la preservacion de la cultura d’òc, de l’artesanat dau país e dau patrimòni perigordin.
Granda visibilitat : profitatz d’una preséncia sus l’ensemble de nòstres supòrts de comunicacion (aficha, programa papier, site web, rets sociaus, senhaletica sus plaça).
Deductibilitat fiscala : coma mecèna d’una associacion d’interès generau, beneficiatz d’una reduccion d’impòst egala a 60 % dau montant de vòstre don (dins lo limit legau en vigor per las entrepresas).

Contactatz nòstra comission partenariat

Joutes nautiques de nuit près du pont coudé

Nòstras formulas

Formulas de partenariat

Formulas de sosten a la Felibrejada 2027
Formula	Per qui	Forma dau sosten	Avantatge fiscau
Partenariat financier	Entrepresas, dau sponsor local au Grand Mecèna	Sosten financier, dau còp de man au partenariat major	Reduccion d'impòst de 60 % dau don
Partenariat en natura o de competéncia	Entrepresas, comerçants, prestataris	Don o prèst de material, produchs, logistica, impression, comunicacion	Reduccion d'impòst de 60 % de la valor
Don individuau	Particulars	Don en linha, pagament rapide e securizat	Reduccion d'impòst de 66 % dau montant

3. Far un don individuau

Sostenètz la fèsta a vòstra mesura

Voletz sostenir la Felibrejada sens engatjament benevòl ? Los dons daus particulars finançan las animacions culturalas gratuitas e los talhiers d’iniciacion per los escolans.

Far un don en linha : pagament rapide e securizat.
Avantatge fiscau : los dons a las associacions dubrisson drech a una reduccion de l’impòst sus lo revengut de 66 % dau montant versat.

Far un don a l'associacion Blau Perigòrd

Questions frequentas

L'engatjament en questions

Chal de l'experiéncia per venir benevòl ?

Non : totas las volontats e totes los talents son benvenguts, qu’ajatz quauquas oras per mes o tres jorns complets pendent la fèsta.

Quala reduccion d'impòst per una entrepresa ?

60 % dau montant dau don, dins lo limit legau en vigor per las entrepresas, au títol dau mecenat d’una associacion d’interès generau.

Quala reduccion d'impòst per un particular ?

66 % dau montant versat, en reduccion de l’impòst sus lo revengut.

Se pòt sostenir la Felibrejada en natura ?

Òc : don o prèst de material, provesiment de produchs, prestacions logisticas, impression o comunicacion.

Qui contactar per ne'n parlar ?

Escrivètz a contact@blauperigord.fr : nòstra equipa respond a vòstras questions sus lo partenariat coma sus lo benevolat.