La Felibrejada se limita pas aus tres jorns de festivitats de julhet : se prepara, se sòmia e se bastís tot lo long de l’annada. Abans lo grand amassament daus 2, 3 e 4 de julhet de 2027, l’associacion Blau Perigòrd vos convida a prener part aus nombrós rendètz-vos organizats dins tot lo canton.
Talhiers de fabricacion de las famosas flors de papier, estagis de dansas e de musicas tradicionalas, conferéncias culturalas, rencontras en lenga d’òc o encara eleccion de la Reina… queus rendètz-vos pre-felibrejada son de moments privilegiats de partatge e de convivéncia. Permeton a chascun, pitits e grands, estatjants de totjorn o nòus venguts, de se plonjar dins la cultura occitana e de fabricar, ensemble, la fèsta de deman.
