1. PRESENTACION DAU SITE
En vertut de l’article 6 de la lei n° 2004-575 dau 21 de junh de 2004 per la fisança dins l’economia numerica, es precisada aus utilizaires dau site l’identitat daus diferents intervenents dins lo quadre de sa realizacion e de son seguiment :
- Proprietari : Associacion Blau Perigòrd
- Estatut : Associacion lei 1901 (Numèro RNA : W242005315)
- SIRET : 13022646700012
- Adreça dau sèti : Boulevard Charlemagne, 24310 Brantòsme de Perigòrd
- Responsable de la publicacion : Lo president de l’associacion Blau Perigòrd – contact@brantomefelibree.fr
- Concepcion e realizacion dau site : Agéncia Com Together (Bordèu / Peireguers) – www.comtogether.fr
- Albergador : OVH – 2 rue Kellermann – 59100 ROUBAIX – França
2. CONDICIONS GENERALAS D’UTILIZACION DAU SITE E DAUS SERVICIS PROPAUSATS
L’utilizacion dau site implica l’acceptacion plena e entiera de las condicions generalas d’utilizacion aquí desjós descrichas. Quelas condicions d’utilizacion pòden èsser modificadas o completadas a tot moment : los utilizaires son doncas convidats a las consultar regularament.
Lo site es normalament accessible a tot moment aus utilizaires. Una interrupcion per rason de mantenença tecnica pòt pertant èsser decidida per l’associacion Blau Perigòrd, que se forçará alaidonc de comunicar d’avança aus utilizaires las datas e las oras de l’intervencion.
3. DESCRIPCION DAUS SERVICIS FORNITS
Lo site a per objècte de fornir una informacion sus la preparacion, l’organizacion e lo debanament de la Felibrejada 2027 a Brantòsme de Perigòrd.
L’associacion Blau Perigòrd se força de fornir sus lo site d’informacions tant precisas coma possible. Pertant, poirá pas èsser tenguda per responsabla de las omissions, de las inexactituds e de las mancanças dins la mesa a jorn, que sián de son fach o dau fach daus tèrç partenaris que li fornissen quelas informacions.
Totas las informacions indicadas sus lo site son donadas a títol indicatiu e pòden evoluir. D’alhors, los rensenhaments que se tròban sus lo site son pas exaustius.
4. LIMITACIONS CONTRACTUALAS SUS LAS DONADAS TECNICAS
Lo site utiliza la tecnologia JavaScript.
Lo site internet poirá pas èsser tengut per responsable de damatges materiaus liats a l’utilizacion dau site. Mai, l’utilizaire dau site s’engatja a accedir au site en utilizant un material recent, sens virus, e emb un navigador de darriera generacion mes a jorn.
5. PROPRIETAT INTELLECTUALA E CONTRAFAÇONS
L’associacion Blau Perigòrd es proprietària daus drechs de proprietat intellectuala o ten los drechs d’usatge sus totes los elements accessibles sus lo site, mai que mai los tèxtes, imatges, grafismes, lògo, icònas, sons e logicials.
Tota reproduccion, representacion, modificacion, publicacion o adaptacion de tot o partida daus elements dau site, quau que siá lo mejan o lo procediment utilizat, es enebida, levat autorizacion escricha e prealabla de l’associacion Blau Perigòrd.
Tota espleitacion non autorizada dau site o de quau que siá daus elements que conten sirá considerada coma una contrafaçon e perseguida conformament a las disposicions daus articles L.335-2 e seguents dau Còde de la proprietat intellectuala.
6. LIMITACIONS DE RESPONSABILITAT
L’associacion Blau Perigòrd poirá pas èsser tenguda per responsabla daus damatges dirèctes e indirèctes causats au material de l’utilizaire, au moment de l’accès au site, e que venen siá de l’utilizacion d’un material que respond pas a las especificacions indicadas au punt 4, siá de l’aparicion d’un bug o d’una incompatibilitat.
L’associacion Blau Perigòrd poirá tanpauc pas èsser tenguda per responsabla daus damatges indirèctes consecutius a l’utilizacion dau site.
D’espacis interactius (possibilitat de pausar de questions per lo formulari de contacte) pòden èsser a la disposicion daus utilizaires. L’associacion Blau Perigòrd se reserva lo drech de suprimir, sens mesa en demora prealabla, tot contengut depausat dins quel espaci que contravendriá a la legislacion aplicabla en França, mai que mai a las disposicions relativas a la proteccion de las donadas.
7. GESTION DE LAS DONADAS PERSONALAS E RGPD
En França, las donadas personalas son protegidas mai que mai per la lei n° 78-87 dau 6 de genier de 1978, lo Reglament general sus la proteccion de las donadas (RGPD : n° 2016-679) e la lei n° 2004-801 dau 6 d’agost de 2004.
A l’escasença de l’utilizacion dau site, pòden èsser reculhidas : l’URL daus liams per los quaus l’utilizaire es arribat sus lo site, lo fornidor d’accès de l’utilizaire, l’adreça de protocòl internet (IP) de l’utilizaire.
L’associacion Blau Perigòrd collècta d’informacions personalas sus l’utilizaire mas per los besonhs de quauques servicis propausats per lo site (per exemple : formulari de contacte, inscripcion daus benevòls, bilhetaria). L’utilizaire fornís quelas informacions en tota coneissença de causa, mai que mai quand las sasís se-mesme.
Conformament au RGPD e a la lei « informatica e libertats », tot utilizaire dispausa d’un drech d’accès, de rectificacion, de supression e d’oposicion a las donadas personalas que lo concernen, en fasent sa demanda escricha e signada a l’associacion.
Briga d’informacion personala de l’utilizaire dau site es publicada sens que lo sàpia, escambiada, transferida, cedida o venduda sus quau que siá supòrt a de tèrç.
8. LIAMS IPERTEXTES E COOKIES
Lo site conten un cèrt nombre de liams ipertextes vers d’autres sites, botats en plaça emb l’autorizacion de l’associacion Blau Perigòrd. Pertant, l’associacion pòt pas verificar lo contengut daus sites aitau visitats, e prendrá doncas briga de responsabilitat per quò.
La navigacion sus lo site pòt provocar l’installacion de cookie(s) sus l’ordenador de l’utilizaire. Un cookie es un fichier de pita talha que enregistra d’informacions sus la navigacion. L’utilizaire pòt configurar son navigador per refusar l’installacion daus cookies.
9. DRECH APLICABLE E ATRIBUCION DE JURIDICCION
Tot litigi en relacion emb l’utilizacion dau site es somés au drech francés. Es facha atribucion exclusiva de juridiccion aus tribunaus competents per lo sèti de l’associacion.