Dau 2 au 4 de julhet de 2027, Brantòsme de Perigòrd aculhís la 106ena edicion de la Felibrejada, coorganizada per l’associacion Blau Perigòrd e Lo Bornat dau Perigòrd.
Credit fòto : Office de tourisme Périgord Dronne BelleDempuei mai d'un sègle
La Felibrejada es la pus granda fèsta occitana dau Perigòrd. Chasque an dempuei mai d’un sègle, una comuna es chausida per aculhir quela celebracion populara inevitabla, consacrada a la lenga, a la cultura e a las tradicions occitanas.
Pendent tres jorns, la vila que la recep se transforma tota : las charrieras se vestisson de milierats de flors de papier fachas a la man per los estatjants e los benevòls, e quò fai un decòr de fadas que n’i a ges de parelh.
1903
Una de las promieras escòlas felibrencas cheras a Frederic Mistral, Lo Bornat dau Perigòrd organizet en 1903 la promiera Felibrejada, a Maruelh, en Perigòrd verd. S’inscriu dins un movement de sauvagarda e de transmission de l’identitat e de la lenga d’òc.
Luenh d’èsser una simpla commemoracion, ela amassa uei totas las generacions a l’entorn d’un eiretatge viu :
Credit fòto : Frédéric TessierÇò que fai
Grops folclorics, desfiladas en abits tradicionaus, animacions de charriera e bals trad.
De quilomètres de guirlandas e de flors de papier de totas colors, fachas per los benevòls.
Transmission daus gèstes d’autres còps, artesanat d’art e demostracions vivas.
Una aventura umana entre las generacions, chaurosa e dubèrta a totes.
La Felibrejada n’es pas una reconstitucion figada dins lo passat : es una fèsta populara viva, portada per l’energia collectiva daus estatjants, daus benevòls e de las associacions dau país. Chasque edicion es unica, faiçonada per lo patrimòni e l’identitat dau territòri que la recep.
En rota per la Felibrejada 2027
En 2027, es Brantòsme de Perigòrd, que li dison la « Venècia dau Perigòrd », que s’apresta a far viure queu amassament mitic. Per sa promiera Felibrejada coma comuna nòva, la vila ofrirà un cadre magestuós entre ribiera, abadiá e ròchas trogloditicas per celebrar la cultura occitana jos la devisa : « A comuna nòva, Felibrejada nòva ».
Credit fòto : Office de tourisme Périgord Dronne Belle Abbatiale Saint-Pierre 
Credit fòto : Images et Rêves Canoës à Brantôme 
Credit fòto : Pays Périgord Vert · Petite Souris Photographie Joutes nautiques Benevòls, partenaris, associacions : la Felibrejada se bastís ensemble.
Questions frequentas
La pus granda fèsta occitana dau Perigòrd : chasque an, una comuna diferenta aculhís tres jorns de celebracion de la lenga, de la cultura e de las tradicions occitanas.
Dempuei 1903. La promiera Felibrejada fuguet organizada per Lo Bornat dau Perigòrd a Maruelh, en Perigòrd verd.
L’associacion Blau Perigòrd, amb Lo Bornat dau Perigòrd.
Es lo decòr emblematic de la Felibrejada : de milierats de flors e de quilomètres de guirlandas, fachas a la man per los estatjants e los benevòls, vestisson tota la vila que la recep.
Tres jorns, dau divendres 2 au dimenche 4 de julhet de 2027.
