1. OBJÈCTE E CAMP D’APLICACION
Quelas Condicions generalas de venda (CGV) regisson d’un biais exclusiu l’ensemble de las vendas de bilhets d’intrada, d’accès a las animacions e aus repais, e tanben de produchs derivats, fachas sus lo site oficiau de la Felibrejada 2027 a Brantòsme de Perigòrd.
Tota comanda facha sus lo site implica l’acceptacion sens reserva de quelas CGV per lo crompaire.
2. IDENTITAT DE L’EDITOR E ORGANIZATOR
Lo site e la venda daus bilhets e prestacions son gerits e organizats per :
- Organizator : Associacion Blau Perigòrd
- Estatut : Associacion lei 1901 (Numèro RNA : W242005315)
- SIRET : 13022646700012
- Adreça dau sèti : Boulevard Charlemagne, 24310 Brantòsme de Perigòrd
- Contacte bilhetaria : reservation@brantomefelibree.fr
3. PRETZ E MODALITATS DE PAGAMENT
Los pretz indicats sus lo site son exprimits en èuros (€), totas taxas compresas (TTC). L’associacion Blau Perigòrd se reserva lo drech de modificar sos pretz a tot moment, mas las prestacions e los articles sirán facturats sus la basa daus pretz en vigor au moment de la validacion de la comanda.
Lo pagament se fai mas en linha, per carta bancària (Visa, MasterCard, Carte Bleue), emb una solucion de pagament securizada. La comanda es ferma e definitiva tre la validacion dau pagament.
4. OBTENCION DAUS BILHETS E DAUS BONS DE COMANDA
Après la confirmacion dau pagament, lo crompaire recep un corrièl de confirmacion que conten sos e-bilhets (en forma de còde QR o de còde de barras) o sas confirmacions de comanda.
Chasque bilhet es individuau e pòrta un còde unic. Es au crompaire de verificar que a ben recebut son e-bilhet e de lo conservar emb suenh (imprimit o sus un supòrt mobil) per lo presentar au contraròtle a l’intrada de l’eveniment.
5. DELAI DE RETRACTACION E ANULLACION
Conformament a l’article L.221-28 12° dau Còde de la consumacion, los bilhets d’intrada per d’eveniments culturaus, festius o de lésers fan pas l’objècte d’un drech de retractacion.
En consequéncia, los bilhets venduts son ni escambiables ni remborsables, levat en cas d’anullacion pura e simpla de l’eveniment dau fach de l’organizator.
6. ANULLACION O REPORT DE L’EVENIMENT
En cas d’anullacion definitiva de la Felibrejada 2027 dau fach de l’organizator o per cas de fòrça majora, lo remborsament dau pretz dau bilhet sirá fach segon las modalitats comunicadas per l’associacion Blau Perigòrd.
En cas de report de l’eveniment, los bilhets demòren valables per la nòva data fixada per l’organizator.
7. CONDICIONS D’ACCÈS E REGLAMENT INTERIOR
Tot portaire d’un bilhet se deu conformar au reglament interior dau site de la Felibrejada 2027 a Brantòsme de Perigòrd e a las consignas de securitat botadas en plaça per l’associacion Blau Perigòrd e las autoritats publicas.
L’organizator se reserva lo drech de refusar l’accès o d’expulsar tota persona que son comportament poiriá trebolar l’òrdre public o la securitat de la fèsta.
8. PROTECCION DE LAS DONADAS PERSONALAS
Las donadas a caractèr personau collectadas pendent la crompa son necessàrias au tractament de la comanda e a l’emission daus bilhets. Son tractadas conformament a la reglamentacion sus la proteccion de las donadas (RGPD).
Lo crompaire dispausa d’un drech d’accès, de rectificacion e de supression de las donadas que lo concernen en s’adreiçant dirèctament a l’associacion Blau Perigòrd.
9. DRECH APLICABLE E LITIGIS
Quelas Condicions generalas de venda son somesas au drech francés.
En cas de litigi o de reclamacion, lo crompaire s’engatja a contactar d’en prumier l’associacion Blau Perigòrd per cercar una solucion amiabla. A mancar d’acòrdi amiable, lo litigi sirá portat davant los tribunaus franceses competents.